-अर्जुन प्रधान
फेब्रुअरी २०२५, अमेरिका – नेपाली लोकदोहोरी संगीतमा थप एक मन छुने सिर्जना थपिएको छ। गीतकार हरि उप्रेती को शब्दमा तयार ‘लौरी’ लोकगीत सार्वजनिक भएको छ, जसले प्रेमी-प्रेमीकाबीचको आत्मीय सम्बन्ध र नेपाली लोकसंस्कृतिको सौन्दर्यलाई सुन्दर रूपमा उजागर गर्छ।
गीतका प्रमुख श्रेयहरू
• शब्द: हरि उप्रेती
• संगीत: सागर लामा
• स्वर: प्रमोद खरेल / तृप्ति खड्का गुरुङ
• एरेञ्ज: कृष्ण के.सी.
• मिक्सिङ/मास्टरिङ: नरेश पाण्डे
• अभिनय: विजय गुरुङ / जुना विश्वकर्मा
• सिनेमेटोग्राफी: प्रकाश खड्का समूह
• सम्पादन: मिलन विश्वकर्मा (ड्र्यागन पिक्चर्स)
• निर्देशन: विजय गुरुङ
. मिडिया पाट्नरः अर्जुन प्रधान
‘लौरी’ गीतले प्रेमी-प्रेमीकाबीचको स्नेह, चाहना र जीवनका उतार-चढावलाई लोकदोहोरी शैलीमा प्रस्तुत गर्छ। मिठासपूर्ण शब्द, गहकिलो संगीत, र उत्कृष्ट स्वर संयोजनले गीतलाई अझ प्रभावशाली बनाएको छ। नेपाली लोकसंस्कृतिको मौलिकतालाई जोगाउँदै आधुनिक स्वाद दिन खोजिएको यो गीत सबै उमेर समूहका स्रोताहरूका लागि मनमोहक बन्ने अपेक्षा गरिएको गितकार उप्रेतिले जानाउनु भयो ।
गीतकार हरि उप्रेती नेपाली गीत सङ्गीत संगीतको क्षेत्रमा परिचित नाम हो। आप्रवासी नेपाली सर्जकका रूपमा उनले डेढ दशक देखि नेपाली गीत-संगीत, साहित्य तथा संस्कृतिलाई निरन्तर संरक्षण गर्दै आएका छन्। उनी आप्रवासी नेपाली गीतकार संघ, अमेरिका का अध्यक्ष समेत हुन्। लोकगीतको संरक्षण तथा प्रवर्द्धन गर्दै आएका उप्रेतीका सिर्जनाहरूले नेपाली लोकसंस्कृतिलाई आधुनिक शैलीसँग जोड्ने काम गर्दै आएका छन्। गीतकार उप्रेती गीत लेखनमा बहुप्रतिभाशालि प्रतिभाका रूपमा परिचित छन।
उनका अनुसार, “लोकसंस्कृतिको संरक्षण हाम्रो पहिचानको रक्षा गर्नु हो। ‘लौरी’ गीतले प्रेम मात्र नभई नेपाली लोकभाषा र संस्कृतिको सुगन्धसमेत बोकेको छ।”
गीत सार्वजनिक भएसँगै श्रोताहरूबाट उत्कृष्ट प्रतिक्रिया आइरहेका छन्। प्रमोद खरेल र तृप्ति खड्काको सशक्त गायन, सागर लामाको भावनात्मक संगीत तथा विजय गुरुङको कलात्मक निर्देशनले गीतलाई अझ जीवन्त बनाएको छ। गीतको म्युजिक भिडियोले पनि सांस्कृतिक सौन्दर्यलाई जीवित राख्ने प्रयास गरेको छ, जसलाई दर्शकहरूले अत्यधिक रुचाइरहेका छन्।
नेपाली लोकगीतहरू केवल मनोरञ्जनका माध्यम मात्र होइनन्; ती हाम्रो मौलिक पहिचानका संवाहक पनि हुन्। हरि उप्रेतीजस्ता समर्पित सर्जकहरूले लोकगीतलाई समयानुकूल बनाएर प्रवर्धन गर्न गरेको प्रयास सराहनीय छ। ‘लौरी’ गीतले पनि नेपाली लोकदोहोरी संगीतमा विशेष स्थान बनाउने विश्वास गरिएको छ।
गीत सुन्न र हेर्नका लागि आधिकारिक युट्युब च्यानलमा उपलब्ध छ।
