अर्जुन प्रधान, ग्लोबलपोस्ट
लेख महोत्सवको क्रममा अल्बरी म्युजियम पुस्तकालयमा आयोजित “हाम्रा कथाहरु: नेपाली कविताको कार्यक्रम” १४ सेप्टेम्बर २०२४ मा सफलतापूर्वक सम्पन्न भएको छ।
कार्यक्रममा निम्न साहित्यकारहरूले आफ्ना मौलिक रचनाहरू प्रस्तुत गरे: साहित्यकार रिमेन आलोक, दुर्गा प्र. रिमाल, दीपक धिमाल, रोवन रिमाल, ज्योति धना, कमल खनाल, आर्या धिमाल, रोविना रिमाल, माधव अधिकारी र अञ्जना कार्की ले गजल र रूवाई जस्ता साहित्यिक विधाहरूको उत्कृष्ट प्रस्तुति गरेको थियो।
कार्यक्रममा कवितासँगै गजल र रूवाई वाचन पनि गरिएको थियो, जसले नेपाली साहित्यको विविधता र समृद्ध परम्परालाई उजागर गरेको रिमेन आलोकले ग्लोबल पोस्टलाइ जानकारी दिए ।
उपस्थित दर्शकहरूले कविहरूको रचनात्मक प्रस्तुति अत्यन्तै सराहनीय भएको बताए। कार्यक्रममा मौलिक कविता, गजल र रूवाई वाचन गर्दा दर्शकहरू भावविभोर भएका थिए।
साहित्यिक धरोहरलाई उजागर गर्दै नेपाली भाषी समुदायको सांस्कृतिक सम्बन्धलाई अझ प्रगाढ बनाएको यस कार्यक्रमले ठूलो सफलता प्राप्त गरेको छ। आयोजकहरूले भविष्यमा यस्ता साहित्यिक कार्यक्रमहरू निरन्तर आयोजना गर्दै जाने प्रतिबद्धता व्यक्त गरेका छन्।
