लोकार्पण भयो भाषाविद केएन शर्माको नेपाली भाषाका लोक अभिव्यक्तिहरू

नेपाली साहित्य परिषदका अध्यक्ष रूद्र पौड्यालले अध्यक्षता गरेको यस लोकार्पण समारोहमा सिक्किम विश्‍वविद्यालयका प्राध्यापक डा. प्रताप चन्द्र प्रधान (नेपाली विभाग) मुख्य अतिथिका रूपमा उपस्थित रहेका थिए। कार्यक्रममा सिक्किम विश्‍वविद्यालयका प्राध्यापक नरबहादुर भण्डारी,  काशी हिन्दु विश्‍वविद्यालयका प्राध्यापकलगायत स्थानीय भाषा-साहित्य प्रेमीहरूको उपस्थिति रहेको थियो। लोकार्पित कृतिमाथि निरूपणात्मक टिप्पणी राख्दै प्राध्यापक टीबी छेत्रीले कोश भाषाको संविधान रहेको बताए। उनले केएन शर्माद्वारा सङ्ग्रहीत यस कोशको विशेषता र प्रकृतिमाथि स्पष्ट पारे। वृहत नेपाली शब्द कोश र शब्द सागार जस्ता कोशहरूमा नभेटिएका शब्दहरू पनि यसमा समावेश गरिएको अवगत गराए।