अर्जुन प्रधान न्यू हैम्पशायर राज्यको प्रतिनिधि सभामा आज प्रस्तावित हाउस बिल ४५२ (HB 452) ले अस्थायी रूपमा बसोबास गर्ने गैर-नागरिकहरूलाई चालक अनुमतिपत्र (ड्राइभर लाइसेन्स) प्राप्त गर्नमा थप कडा प्रावधानहरू लागू गर्ने प्रस्ताव गरेको छ। यस विधेयकले विशेष गरी शरणार्थीहरू, विद्यार्थीहरू, र अस्थायी रूपमा रोजगारमा रहेका व्यक्तिहरूलाई प्रभावित गर्ने देखिएको छ । यस विधेयकको विरोधमा, सुरज बुढाथोकी राज्य प्रतिनिधिले आफ्नो व्यक्तिगत अनुभव साझा गर्दै भनेका छन्, “म स्वयं शरणार्थीको रूपमा यो देशमा आएको हुँ। चालक अनुमतिपत्रले कसरी जीवनमा परिवर्तन ल्याउन सक्छ भन्ने म राम्ररी बुझ्छु।” उनी थप्छन्, “यो विधेयकले कानूनी रूपमा यहाँ रहेका व्यक्तिहरूलाई लक्षित गर्दछ, जसले हाम्रो समुदायमा योगदान पुर्याउन चाहन्छन्। उनीहरूलाई स्वागत नगर्ने सन्देश दिनु हाम्रो राज्यको मूल्यहरूको विपरीत छ।” HB 452 ले अस्थायी रूपमा बसोबास गर्ने गैर-नागरिकहरूको चालक अनुमतिपत्र नवीकरणमा कडा प्रावधानहरू राखेको छ। यसले शरणार्थीहरूलाई स्थायी आवासीय स्थिति प्राप्त नभएसम्म लाइसेन्स नवीकरण गर्न रोक लगाउँछ, जसले उनीहरूको दैनिक जीवनमा गम्भीर असर पार्न सक्छ। यसका साथै, यो विधेयकले गैर-नागरिकहरूको लाइसेन्समा विशेष चिन्ह राख्न प्रस्ताव गरेको छ, जसले उनीहरूको पहिचानमा भेदभावको सम्भावना बढाउँछ। https://www.youtube.com/live/qm6SXpDMfZw?si=IAyZZuAiWBr2hLOH विधेयकका समर्थकहरूले यसलाई सार्वजनिक सुरक्षाको लागि आवश्यक कदमको रूपमा प्रस्तुत गरे पनि, विरोधीहरूले यो विधेयकले समुदायमा डर र असमानता फैलाउने तर्क गरेका छन्। उनीहरूको भनाइमा, यसले कानूनी रूपमा यहाँ रहेका व्यक्तिहरूलाई अनावश्यक कठिनाइमा पार्नेछ र उनीहरूको योगदानलाई अवमूल्यन गर्नेछ। विधेयकको भविष्य हाल अनिश्चित छ, र यसबारे थप छलफल र बहसहरू आगामी दिनहरूमा हुने अपेक्षा गरिएको छ। थप जानकारीका लागि https://legiscan.com/NH/text/HB452/id/3048237 सुरज बुढाथोकीले राख्नु भएको प्रताब यहा
https://youtu.be/JbGLWgAlc1k?si=YFBOCdnj5I4i413Y
