कोरोना संक्रमितको संख्यामा नयाँ कीर्तिमान, २४ घण्टामा विश्वभर २ लाख ३० हजार संक्रमित

0
370
तस्वीर : रोयटर्स

काठमाडौं – कोरोना संक्रमितको संख्यामा नयाँ कीर्तिमान कायम भएको छ ।

डब्ल्युएचओका अनुसार पछिल्लो २४ घण्टामा आइतबार एकै दिन विश्वभर २ लाख ३० हजार  ३० हजार ३७० जनामा कोरोना भाइरसको संक्रमण पुष्टि भएको छ ।

यो संख्या एकै दिन संक्रमण भएको अहिलेसम्मकै धेरै हो । यसअघि दुई लाख २८ हजार १८६ जना सम्मलाई संक्रमण पुष्टि भएको थियो । अमेरिका तथा दक्षिण पूर्वी एसियाली देशमा संक्रमण तीव्र हुँदा दैनिक थपिने संक्रमितको संख्या धेरै भएको हो ।

आइतबार अमेरिका (उत्तर तथा दक्षिण) मा एक लाख ४२ हजार, दक्षिण पूर्वी एसियामा ३३ हजार, युरोपमा १८ हजार, अफ्रिकामा १७ हजार तथा पूर्वी भूमध्यसागरमा १५ हजार भन्दा बढी संक्रमित थपिएका हुन् ।

आइतबार विश्वभर कोभिड–१९ बाट पाँच हजार २८५ जनाको ज्यान गएकोमा अधिकांश उत्तर तथा दक्षिण अमेरिकी देशका रहेको डब्ल्युएचओले जनाएको छ ।

डब्ल्युएचओले विश्वभर संक्रमितको संख्या एक करोड २९ लाख १० हजार भन्दा बढी पुगेको जनाए पनि कोरोना भाइरसकै तथ्यांक अद्यावधिक गरिरहेको साइट वर्ल्डोमिटर्सले भने संक्रमितको संख्या १ करोड ३० लाख ४२ हजारभन्दा बढी पुगेको जनाएको छ ।

LEAVE A REPLY

Please enter your comment!
Please enter your name here