काठमाडौं – नेपालमा थप १३ जनामा कोरोना भाइरसको संक्रमण पुष्टि भएको छ ।
स्वास्थ्य मन्त्रालयका अनुसार सोमबार नै कपिलवस्तुमा ६, रुपन्देहीमा ६ र बर्दियामा १ जनामा कोरोना संक्रमण पुष्टि भएको हो । योसँगै नेपालमा एकैदिन २४ जनामा संक्रमण देखिएर संक्रमित संख्या १३४ पुगेको छ ।
काठमाडौंको राष्ट्रिय जनस्वास्थ्य प्रयोगशालामा गरिएको परीक्षणमा उनीहरुमा कोरोना संक्रमण पुष्टि भएको मन्त्रालयका सहप्रवक्ता डा. समीरकुमार अधिकारीले जानकारी दिए ।
यसअघि आजै विहान कपिलवस्तुमा १० जना र सप्तरीमा १ जनामा कोरोना संक्रमण पुष्टि भएको थियो । योसँगै नेपालमा नेपालमा कोरोना संक्रमितको संख्या १ सय ३४ पुगेको छ ।
संक्रमितमध्ये ३३ जना उपचारपछि घर फर्किएका छन् भने १०१ जनाको विभिन्न अस्पतालमा उपचार भइरहेको छ ।
