१६ जेठ, काठमाडौं । दोस्रो कार्यकालका लागि निर्वाचित भएका नरेन्द्र मोदीले भारतको १५ औं प्रधानमन्त्रीको रुपमा सपथ लिएका छन । पाकिस्तान बाहेकका दक्षिण एसियाली मुलुकका राष्ट्र तथा सरकारका प्रमुखको उपस्थितिमा उनले सपथ लिएका हुन । मोदीसँगै राजनाथ सिंह, अमित शाह, नितिन गडकरी, सदानंद गौड़ा, निर्मला सीतारमण, रामविलास पासवान, नरेंद्र सिंह तोमर, रविशंकर प्रसाद, हरसीमरत कौर बादल, थावर चंद गहलोतले पनि मन्त्री पदको सपथ लिएका छन । यही मे १९ मा सम्पन्न चुनावमा झण्डै दुई तिहाई बहुमत ल्याएको भाजपा गठबन्धनले सन् २०२४ सम्म सरकार चलाउनेछ ।
