३ माघ,काठमाडौं । सरकारले पानीजहाज कार्यालय स्थापना गर्ने निर्णय गरेको छ । मन्त्रीपरिषदका निर्णय सार्बजनिक गर्न आफ्नै मन्त्रालयमा आयोजित पत्रकार सम्मेलनमा सञ्चार तथा सूचना प्रविधी मन्त्री गोकुल बाँस्कोटाले यस्तो जानकारी दिएका हुन । यसका लागि उपसचिवको नेतृत्वमा १६ जना कर्मचारी खटिने छन । यस्तै रेल किन्न भौतिक पूर्वाधार तथा यातायात मन्त्रालयलाई स्वीकृति दिएको छ । सरकारका प्रवक्ता मन्त्री बाँस्कोटाले रेलगाडी खरिद गर्न स्वीकृत प्रदान गरिएको जानकारी दिएका हुन । सरकारले जनकपुर-जयनगर रेल सेवा फागुनदेखि नियमित सन्चालन गर्ने भएको छ । आफ्नै रेलगाडी किनेर सेवा सन्चालन गर्ने तयारी स्वरुप निर्णय भएको हो । नेपालले भारत र चीनसँग पनि रेलमार्गबाट जोडिने गरी तयारी भइरहेको छ ।
