![](https://globalpostinfo.us/wp-content/uploads/2019/01/0C4A1653done-1024x683.jpg)
धिमाल बिद्यार्थी मञ्चको आयोजनामा मिस धिमाल २०१९ को शनिवार अडिसन भएको छ । उर्लाबारीमा भएको अडिसनमा मोरङसहित, झापा, सुनसरी र काठमाण्डौँका ५० जना धिमाल युवतीको सहभागिता जनाएका थिए । अडिसन राउण्डको निर्णायकमा टेलिभिजन प्रस्तोता तृष्णा रेग्मी, मोडल प्रमिशा बज्राचार्य, सविता धिमाल र एकराज भण्डारी रहनुभएको छ ।
![](https://globalpostinfo.us/wp-content/uploads/2019/01/0C4A1811ddone-683x1024.jpg)
![](https://globalpostinfo.us/wp-content/uploads/2019/01/0C4A1687done-200x300.jpg)
अडिसन राउण्डबाट २५ जना युवतीलाई फाईनल राउण्डका लागि छनोट गरिने धिमाल बिद्यार्थी मञ्चका अध्यक्ष सुनिल धिमालले जानकारी दिनुभयो । फाईनल प्रतिपर्धामा रहेका २५ जना धिमाल युवतीलाई नेतृत्व क्षमता विकाश, फोटोसुट, धिमाल इतिहासका विषयमा अवलोकन, आरजे भिजे तालिम लगायतको प्रशिक्षणपछी फागुन ७ गते हुने फाईनल प्रतिष्पर्धाबाट मिस धिमाल घोषणा गरिनेछ ।
![](https://globalpostinfo.us/wp-content/uploads/2019/01/0C4A1764done.jpg)
मिस धिमालको विजेताले नगद १ लाख रुपैयाँ, फस्ट रनर अपले ५० हजार र सेकेन्ड रनर अपले ३५ हजार रुपैयाँ पुरस्कार प्राप्त गर्नेछ । प्रतियोगिता सम्पन्न गर्न करिब २० लाख रुपैयाँ खर्च हुने आयोजकले अनुमान गरेको छ । सन् २०११ मा भएको पहिलो मिस धिमाल पछि अर्काे संस्करण हुन सकेको थिएन ।
(Mr.Jiwan Chimariya is Director of event management of Miss Dhimal, He share news and photo to Globalpostinfo.us)