४ कात्तिक, काठमाडौं । नेपाल कम्युनिष्ट पार्टीको बहुप्रतिक्षित बनेको सचिवालय बैठकले सांसद रामवीर मानान्धरको राजीनामा पत्र अस्वीकृत गर्ने निर्णय गरेको छ । मानन्धरको राजीनामा स्वीकृत भएसँगै वामदेव गौतमको काठमाडौं ७ बाट चुनाव लड्ने बाटो पनि बन्द भएको छ । ‘रामवीरको पत्रबारे निर्णय गर्नु नपर्ने निश्कर्ष निकालेको छ, बैठकपछि नेकपाका प्रवक्ता नारायणकाजी श्रेष्ठले भने, ‘अब पार्टी उपचुनावमा नजाने र वामदेवजीलाई चुनाव नलडाउने निश्कर्ष निकालिएको छ ।’ प्रधानमन्त्री निवास बालुवाटारमा बसेको बैठकमा पार्टी एकीकरण प्रक्रियालाई चाँडो टुंगो लगाउने, नेतृत्वको वीचमा आशंका हटाउने तथा सुदृढ एकता कायम गर्ने र सरकारलाई सफल बनाउन एक भएर लाग्ने निश्कर्ष निकालिएको प्रवक्ता श्रेष्ठले जानकारी दिए ।
