९ भदौ, काठमाडौं । सरकारले बलात्कारपछि हत्या गरिएकी कञ्चनपुरकी १३ वर्षीया निर्मला पन्तको घटनालाइ गम्भीरता नदेखाएको भन्दै कञ्चनपुरका तत्कालिन एसपी डिल्लीराज विष्टलाई निलम्बन गरेको छ । स्थानीयले उनकै छोराको भूमिका समेत शंकास्पद भएको भन्दै छानविन गर्न माग गरेपनि डीएसपी विष्टले सुनवाई गरेका थिएनन् । आन्दोलन चर्किएपछि गृह मन्त्रालयले एसपी विष्टसँगै प्रमुख जिल्ला अधिकारी परिर्वतन गरेर बिष्टमाथी नै अनुसन्धान गरिरहँदा गृह मन्त्रालयको सिफारिसमा निलम्बनको निर्णय भएको सरकारका प्रवक्ता गोकुल बाँस्कोटाले जानकारी दिए । यस्तै पन्तको हत्यामा संलग्नलाई कारबाहीको मागसहित आन्दोलनमा उत्रदा प्रहरीको गोलीबाट मारिएका सन्नी खुनालाई सहिद घोषणा गर्दै उनको परिवारलाई १० लाख रुपैयाँ राहत दिने निर्णय गरेको छ। बैठक निर्मला पन्तको परिवारलाई पनि १० लाख रुपैयाँ राहत रकम दिने भएको छ । साथै निर्मला हत्याबारे छानविन गर्न सहसचिवको नेतृत्वमा बनेको समितिलाई नै गोलीकाण्डबारे पनि अनुसन्धान गर्ने जिम्मेवारी दिएको सञ्चारमन्त्री बास्कोटाले जानकारी दिए ।
