३ भाद्र, काठमाडौं । प्रधानमन्त्री केपी शर्मा ओलीले राज्यको गोपनीयताको ख्याल गर्दै सूचनामा सबै नागरिकको पहुँच सुनिश्चित गर्न सम्बन्धित निकायलाई निर्देशन दिनुभएको छ । राष्ट्रिय सूचना दिवस २०७५ का अबसरमा राष्ट्रिय सूचना आयोगले आइतबार काठमाडौमा आयोजना गरेको कार्यक्रममा प्रधानमन्त्री ओलीले वर्तमान सरकार पारदर्शिता र सभ्य समाजको दिशामा अग्रसर भएकाले सूचनामा नागरिक पहुँच सुनिश्चित गरिने आश्वासन दिनुभयो । यसअघिको सरकारले बहुमतका आडमा महाअभियोगको प्रस्ताव सदनमा ल्याएको भन्दै उहाँले दुईतिहाई छ भन्दैमा वर्तमान सरकारले यस्ता प्रकारको दुरुपयोग नगर्ने स्पष्ट पार्नुभयो । प्रधानमन्त्री ओलीले कांग्रेस लगायत सबैलाई विषयवस्तु अध्ययन गरेर मात्र सरकारको विरोध गर्न सुझाव समेत दिनुभयो ।
