कुशल व्यवसायी एवं समाजसेवी उत्तर गुरुङको सहयोगमा सडकमानवहरुलाई न्यानो वितरण कार्य सम्पन्न भएको छ । ललितपुरको कुमारीपटीमा गुरुङ कलेक्सन नामको व्यवसाय सञ्चालन गर्दै आउनुभएका उत्तर गुरुङले पुष माघको कठ्याङ्ग्रिदो जाडोबाट सडकमानवहरु बचाउने पवित्र उद्देश्यले काठमाडौं उपत्यकाका सडकमानवहरुलाई न्यानो ज्याकेट, हुडी लगायतका वस्त्रहरु सहयोग गर्नुभएको थियो ।
कोरोनाको सुरुवाती चरणदेखी हालसम्म सडकमानवहरुलाई खाना र नाना र स्वास्थ्य सेवा प्रदान गर्दै आएका युवा समाजसेवी प्रदिप घिमिरेलाई उहाँले न्यायो सहयोग प्रदान गर्नुभएको थियो । सेवा नै धर्म हो भन्ने पवित्र सोचका धनी उत्तर गुरुङले उदाहरणीय कार्य गर्नुभएको छ । उहाँको यो पवित्र कार्यप्रति न्यूज डेस्क हार्दिक आभार प्रकट गर्दछ ।
