एजेन्सी- इराकमा एकजना प्रभावशाली शिया धर्मगुरुले राजनीतिबाट सन्न्यास लिने घोषणा गरेपछि राजधानी बग्दादमा हिंसा भड्किएको छ ।
शिया धर्मगुरु एवम् इराकी राजनीतिमा निकै प्रभावशाली मानिने मोक्तदा अल सदरले राजनीतिबाट सन्न्यास लिने घोषणा गरेपछि हिंसात्मक प्रदर्शन भएका हुन् ।
सो क्रममा उनका अनुयायी एवम् समर्थक र सुरक्षा बलबीच भएको झडपमा २४ जनाको मृत्यु भएको न्यूयोर्क टाइम्सले जनाएको छ । झडपमा दर्जनौँ प्रदर्शनकारी घाइते भएका छन् ।
