५ बैशाख, काठमाडौं । नेपालमा शुक्रबार एकैदिन १४ जना कोरोना भाइरस (कोभिड-१९) का संक्रमित थपिएका छन् ।
राष्ट्रिय जनस्वास्थ्य प्रयोगशालामा गरिएको परीक्षणमा उदयपुरमा लुकेर बसेका मुस्लिम समुदायका १२ जना र चितवनका २ जनामा कोरोना भाइरसको संक्रमण पुष्टि भएको हो ।
उदयपुरको भुल्केस्थित एक मस्जिदमा लुकेर बसेका उनीहरु ३४, २९, २६, २८, २८, २८, २८, २२, २५, २०, ४० वर्षका छन् ।
यस्तै चितवनको २७ वर्षीय पुरुष र ६३ वर्षीयमा महिला रहेको सहप्रवक्ता डा अधिकारीले जानकारी दिए।
उनीहरुको विषयमा थप जानकारी लिन कन्ट्रयाक ट्रेसिङका लागि इपिडिमियोलोजी तथा रोग नियन्त्रण महाशाखाले सम्बन्धित क्षेत्रका टोली खटाइसकेको स्वास्थ्य मन्त्रालयले जानकारी दिएको छ ।
योसँगै नेपालमा कोरोना भाइरसबाट संक्रमित हुनेको संख्या ३० पुगेको छ ।
