३ कात्तिक, काठमाण्डौ । हत्या आरोपमा पक्राउ परेका निलम्बित सांसद अफताव आलममाथि अनुसन्धान गर्न प्रहरीले पुन पाँच दिनको म्याद पाएको छ ।
यसअघि थपिएको सात दिनको म्यादमा अनुसन्धान नसकिएपछि प्रहरीले आइतबार पुनः पाँच दिनको म्याद पाएको हो । प्रहरीले अनुसन्धानका लागि सात दिनको म्याद मागे पनि जिल्ला अदालत रौतहटले पा“च दिनको म्याद दिएको हो । प्रहरीले आलमलाई हत्या आरोपमा गत आइतबार पक्राउ गरेको थियो। २०६४ चैत २७ राति रौतहटको राजपुर खरदवामा भएको बम विस्फोटको घटनामा संलग्न भएको उनीमाथि आरोप लागेको छ ।
