११ भाद्र, काठमाण्डौ । सुर्खेत र डडेल्धुरामा भएका छुट्टा छुट्टै दुर्घटनामा ४ जनाको मृत्यु भएको छ । अन्य २७ जना घाइते भएका छन ।
जाजरकोटबाट नेपालगञ्जका लागि छुटेको ना ४ ख ९३१७ नम्बरको बस सुर्खेतको भेरीगंगा नगरपालिका –५ एमालेमोडमा विहान साढे ३ बजेतिर दुर्घटना भएको हो । दुर्घटनामा एक महिलाको घटनास्थलमै र दुई महिलाको कोहलपुर मेडिकल कलेजमा उपचारका क्रममा मृत्यु भएको प्रहरीले जनाएको छ । दुर्घटनामा अन्य २७ जना यात्रु घाइते भएका छन । यस्तै डडेल्धुराको भागेश्वर गाउँपालिका–४ सेरागाडमा पनि जिप दुर्घटना हुँदा एक जनाको मृत्यु भएको छ। आज बिहान १० बजेतिर भागेश्वर गाउँपालिका–४ सेरागाडमा म १ ज २१० नम्बरको जिप दुर्घटना हुँदा एक जनाको घटनास्थलमै मृत्यु भएको हो ।
