१७ जेठ, काठमाडौं । विश्वकप क्रिकेट अन्तर्गत शुक्रबार वेष्ट इन्डिज र पाकिस्तानबीच प्रतिस्पर्धा हुदैछ । दुई पटकको विश्वकप विजेता वेष्ट इन्डिज र एक पटकको विश्वकप विजेता पाकिस्तानबीचको रोमाञ्चक हुने अपेक्षा गरिएको छ । खेल नेपाली समय अनुसार सवा ३ बजे सुरु हुनेछ । पाकिस्तान र वेष्ट इन्डिजबीचको पछिल्लो पाँच एक दिवसीय क्रिकेट पाकिस्तानले चार एकले जितेकाले पाकिस्तान बलियो ठानिएको छ । तर तर वेष्ट इन्डिज र पाकिस्तानबीच पछिल्लो दुई वर्ष यता प्रतिस्पर्धा नभएकाले कसले जित्ला भनेर आंकलन गरिहाल्न सक्ने अवस्था भने छैन । यसअघि बिहिबारको खेलमा दक्षिण अफ्रिकालाई १ सय ४ रनले हराउँदै इंग्ल्याण्डले बिजयी सुरुवात गरिसकेको छ ।
