१३ जेठ, काठमाण्डौ । अर्थमन्त्री डा. युवराज खतिवडाले आर्थिक वर्ष २०७५/७६ को आर्थिक वृद्धिदर ७ प्रतिशत रहने अनुमानसहितको आर्थिक सर्बेक्षण प्रस्तुत गरेका छन । सोमबार संसदमा चालू आर्थिक वर्षको आर्थिक सर्वेक्षण प्रतिवेदन पेश गर्दै मन्त्री खतिवडाले गत फागुनसम्ममा औसत मुद्रास्फीति दर ४.२ प्रतिशत रहेको जानकारी दिएका छन । यस्तै आर्थिक क्रियाकलापमा भएको विस्तारका कारण प्रतिव्यक्ति आम्दानी समेत आय १ लाख १७ हजार पुग्ने आंकलन गरिएको उनले जानकारी दिएका छन । यसअघिका कयौं दशकमा पहिलो पटक आन्तरिक बचतले कुल गार्हस्थ्य उत्पादनको २० प्रतिशत नाघेको उनको दावि छ। यसले राष्ट्रिय पूँजी निर्माणमा उल्लेख्य योगदान पुगेको उनले जानकारी दिए ।
