२९ असार, काठमाण्डौ । छोराको हत्यारालाई कारवाहीको माग गर्दै वीर अस्पतालमा आमरण अनसनमा बस्नुभएकी गोरखा फुजेलकी गंगामाया अधिकारीले ४६ औं दिनमा अनसन स्थगित गरेकी छन । छोरा कृष्णप्रसादको हत्यारालाई कार्बाही गर्ने प्रतिबद्धता समेटिएको कानुनमन्त्रीको पत्र प्राप्त भएपछि गंगामायाले अनसन स्थगित गरेकी हुन । उनलाई राष्ट्रिय मानव अधिकार आयोगका अध्यक्ष अनुपराज शर्माले जुस खुवाएर अनसन स्थगित गराएका हुन । गंगामायाको अनसनमै रहँदा गत आइतबार कृष्णप्रसादकै हत्या अभियुक्त छविलाल पौडेल सर्बोच्च दालतमा आत्मसमर्पणपछिपुर्पक्षका लागि डिल्लिबजार कारागारमा थुनामा रहिरहदा गंगामायाको अनसन स्थगित भएको हो । लामो समयसम्म सर्वोच्चको फैसला कार्यान्वयन नभएपछि मृतक कृष्णप्रसादकी आमा गंगामाया अधिकारी १५ जेठदेखि वीर अस्पतालमा आमरण अनशन बसेकी थिइन ।
