यसरी मणिपुर राज्यभरी वाणिज्य विषयमा स्टेट टपर बनेका सागर आचार्यलाई पनि परिषदले सम्मान जनाए । परिषदको अध्यक्ष लोकबहादुर बस्नेतले सभाध्यक्षको आशन समाले पछि कांग्लातोम्बी ग्राम पञ्चायतका उपप्रधान दिपा थापा मुख्य अतिथिको रुपमा थिईन भने लैमाखोङ गोर्खा समाजका सचिव श्याम दाहाल , कांग्लातोम्बी मन्दिर वार्डका सदस्य शुशीला चापागाईं द्वय विशिष्ट अतिथिको रूपमा| कार्यक्रममा कांग्लातोम्बी हात्तीख्वा वार्ड 
र तिसपरी वार्डका महिला समितिद्वारा ससाना भाई बहिनिहरुको नृत्य प्रश्तुत गरेर उपश्थिति र दिवषलाई निकै तताए। कार्यक्रममा कविहरुले आ-आफ्नो सृजना पाठ गरेर साहित्यिक माहोल बनाउदै कविता प्रेमीहरुको मनलाई शान्त पार्न सफल बने। विशिष्ट अतिथिको बक्तब्यमा श्याम दाहाल ज्युले भाषा साहित्यको संरक्षण गर्नलाई हामी सबैले जुट्नु अति आवश्यकता औलाउदै परिषदको सदस्यता लिनै पर्ने भनी सबैमा अनुरोध गर्दै आफू पनि छिटै सदस्यता लिने बचन ब्यक्त गरे।
त्यसैगरि दिपा थापा र शुशीला चापागाईंले पनि आफ्नो मन्तब्यमा भाषा साहित्य हाम्रो अभिन्न अङ्ग हो, यसको संरक्षणमा सबै एक भएर लागौ भनेर मनोबल बढाए। नेसापका सह सचिव र सिरोई सिर्जना द्वैमासिक पत्रिकाका प्रधान सम्पादक राहुल राई बोगिकोद्वारा संचालित कार्यक्रममा बिभिन्न संघ संस्थाका अग्रज बुद्धीजीवी र विद्धान वर्गले खचाखच भरिएको कांग्लातोम्बी सर्वाजनिक भवन, साहित्यिक माहौलले रोचक बनेको थियो साथमा निरन्तर वर्षिएका पानी, शीत्तल मौसमको कारण मनोरम बनेको कार्यक्रम सभाध्यक्षको सम्भाषण संगसंगै समाप्त भयो|
