१८ जेष्ठ, काठमाण्डौ । पाल्पाको हुमिनमा आज विहान बस दुर्घटना हुँदा १३ जनाको मृत्यु भएको छ । अन्य १४ जना घाइते भएका छन । पाल्पाको लक्ष्मी बचत तथा ऋण सहकारीका सदस्यहरु चढेको लु २ ख ९७५ नम्बरको वस रम्भा गाउँपालिका-४ हुमिनमा दुर्घटना भएको हो । दुर्घटनामा मृत्यु हुनेमा सहकारीका अध्यक्ष तानसेन ४ का विष्णुमान बज्राचार्यसहित तानसेन ३ का देवेन्द्रलाला प्रधान, तानसेन ३ कृष्णमान बज्राचार्य, तानसेन ३ का छत्रमान शाक्य, तानसेन ६ का सुशिलप्रसाद श्रेष्ठ, डिभिजन सहकारी कार्यालय पाल्पाका प्रमुख कृष्णबहादुर बोहोरा, तानसेन ६ का दुर्गाबहादुर सारु, तानसेन २ का लोकनाथ ढकाल, तानसेन ६ का सचिन बज्रार्चाय, तानसेन ३ का बसन्ती खाण, तानसेन ६ का गिता बुढाथोकी, तानसेन ३ कमला कार्की रहेका छन् । घाइते १४ जनाको स्थानीय अस्पतालहरुमा उपचार भइरहेको प्रहरीले जानकारी दिएको छ ।
