सलमान खान जेलमुक्त

0
796

२४ चैत्र, काठमाण्डौं । दुर्लभ कृष्णसारको शिकार गरेकोमा दोषी ठहर गरिएका चर्चित बलिउड  अभिनेता सलमान खानलाई जमानत दिइएको छ। जमानतपछि उनी जेलबाट मुक्त भएका छन्। भारतीय सञ्चारमाध्यमहरुका अनुसार, प्रतिवादीले जनावरहरुको परीक्षण र प्रत्यक्षदर्शीहरुको बयानको विश्वसनीयतामाथि प्रश्न गरेका थिए। बिहीवार राजस्थान राज्यको जोधपुरस्थित अदालतले सलमान खानलाई सन् १९९८ मा दोषी ठहर गर्दै पाँच वर्षको जेलसजाय सुनाएको थियो र १० हजार रुपैयाँ जरिवाना गराएको थियो। ५२ वर्षीय अभिनेता खानले राजस्थानमा एउटा चलचित्र छायाङ्कनका क्रममा दुईवटा कृष्णसारहरु मारेको अदालतले फैसला गरेको थियो। उनीसँगै सोही चलचित्रमा अभिनय गरेका र शिकार गरेको आरोप लागेका अन्य चार कलाकारहरु निर्दोष ठहर भएका छन्। जोधपुर जेलमा दुई रात बिताएका खानले उच्च अदालतमा फैसलाका विरुद्ध पुनरावेदन गर्नेछन्। न्यायाधीश रविन्द्र कुमार जोशीले जोधपुर अदालतमा उनलाई जमानत दिइएको जानकारी गराएका थिए।

LEAVE A REPLY

Please enter your comment!
Please enter your name here