अर्जुन प्रधान
कोलम्बस, ओहायो – नेपाली साहित्यको क्षेत्रमा सक्रिय र प्रतिष्ठित लेखक रमेश दियालीको बहुप्रतीक्षित उपन्यास ‘भुसको आगो’ आगामी डिसेम्बर २८, २०२४, कोलम्बस, ओहायोमा औपचारिक रूपमा विमोचन हुने भएको छ।
यो विशेष कार्यक्रम Biswakarma Society of America (BSA) ले आयोजना गर्दैछ, जसमा कला, साहित्य, र संस्कृतिसँग जोडिएका चर्चित व्यक्तित्वहरूको सहभागिता रहनेछ।
‘भुसको आगो’ इन्डिगो इन्कद्वारा प्रकाशित उपन्यास हो, जसले समाजमा देखिने जटिल यथार्थ, प्रेम, संघर्ष, र पात्रहरूको गहिरो भोगाइलाई कलात्मक ढंगले प्रस्तुत गरेको छ। लेखकका अनुसार, यो उपन्यास समाजको ऐना हो, जसले मानवीय सम्बन्ध र जीवनका यथार्थलाई नजिकबाट उजागर गर्छ।
कार्यक्रममा लेखक रमेश दियालीले उपन्यासबारे आफ्नो दृष्टिकोण प्रस्तुत गर्नुका साथै पाठकहरूसँग प्रत्यक्ष संवाद गर्ने अवसर हुनेछ।
उपन्यासले नेपाली साहित्यमा महत्त्वपूर्ण योगदान पुर्याउने अपेक्षा गरिएको छ। दियालीको पहिलो पुस्तक छाप्रो नं ५५ ले पाठहरूमा माझ अतिनै मिठो याद साटेको छ ।
कार्यक्रमको मुख्य विवरण:
• मिति: डिसेम्बर २८, २०२४
• स्थान: 13831 National Rd SW, Reynoldsburg, OH 43068
• समय: दिउँसो १२ बजे देखि ४ बजेसम्म
यो उपन्यास नेपालका प्रमुख पुस्तक पसलहरूमा उपलब्ध हुनेछ भने विदेशमा रहेका पाठकहरूले Amazon मार्फत पनि पुस्तक प्राप्त गर्न सक्नेछन्।
कार्यक्रममा सहभागी भई साहित्य र नेपाली संस्कृतिप्रतिको योगदानलाई प्रोत्साहित गर्न लेखकले सबैलाई निमन्त्रणा गरेका छन् ।
