Home मुख्य आकर्षण “कोलम्बसमा आप्रवासी र शरणार्थी मामिलाहरूको आयोग गठनको प्रस्तावलाई समर्थन: सुदर्शन प्याकुरेलको आवाज”

“कोलम्बसमा आप्रवासी र शरणार्थी मामिलाहरूको आयोग गठनको प्रस्तावलाई समर्थन: सुदर्शन प्याकुरेलको आवाज”

September 26, 2024

295

अर्जुन प्रधान ,अमेरिका

कोलम्बस सिटी हलमा २४ सेप्टेम्बरमा भएको महत्वपूर्ण बैठकमा, भूटानी समुदाय र अन्य आप्रवासी समूहहरूको प्रतिनिधित्वमा सुदर्शन प्याकुरेलले आप्रवासी र शरणार्थी मामिलाहरूको आयोग गठनको प्रस्तावलाई समर्थन गर्दै मन्तव्य दिए। प्याकुरेल, जो भूटानी समुदायको केन्द्रीय ओहायोको कार्यकारी निर्देशक हुन्, प्याकुरेलले आप्रवासी समुदायहरूले सामना गरेका चुनौतीहरूलाई उजागर गरे।

प्याकुरेलले कोलम्बसमा पुनर्वासपछि पनि आप्रवासीहरूले भाषा, आवश्यक सेवाहरूमा पहुँच, शिक्षा, स्वास्थ्य सेवा, र रोजगारीका अवसरहरूमा जुन कठिनाइहरू झेल्दै आएका छन्, तीले उनीहरूको सामाजिक र आर्थिक एकीकरणमा बाधा पुर्याएको कुरा उल्लेख गरे।

उनले विशेष गरी भूटानी समुदायमा मानसिक स्वास्थ्य सेवाहरूको अभावले आत्महत्याको उच्च दर निम्त्याएको उदाहरण प्रस्तुत गरे, र आयोगले यस खालका विशिष्ट आवश्यकताहरूमा जनचेतना फैलाउन महत्त्वपूर्ण भूमिका खेल्न सक्ने धारणा व्यक्त गरे।https://youtu.be/4BLlNtGaKAM?si=qTT8D3wjDtaQrvf_

त्यसैगरी, प्याकुरेलले आप्रवासी समुदायहरूले कोलम्बसको आर्थिक वृद्धिमा महत्वपूर्ण योगदान पुर्याए पनि, उनीहरूको नेतृत्व भूमिकामा कमी रहेको र नागरिक सहभागितामा आवश्यक पहुँच नपाएको तथ्यलाई पनि जोड दिए। आप्रवासीहरूले २०१४ देखि २०१९ सम्म कोलम्बसको जनसंख्या वृद्धिमा २६% हिस्सा पुर्याएको र हरेक वर्ष २.१ अर्ब डलरको स्थानीय राजस्वमा योगदान पुर्याएको तथ्यांक प्रस्तुत गर्दै, प्याकुरेलले यस्ता महत्वपूर्ण कार्यमा आयोगको अहंम भुमिका रहेको बताए।

यो आयोगको गठनले, भूटानी र अन्य आप्रवासी समुदायहरूको आवाजलाई सिधा शहरका नेतृत्वपंक्तिहरूमा मञ्च प्रदान गर्ने, नीति निर्माणमा उनीहरूको सुझावलाई समेट्ने, र उनीहरूको दैनिक जीवनमा सकारात्मक प्रभाव पार्ने अपेक्षा गरिएको छ। प्याकुरेलले आयोगले समुदायको समावेशीकरणमा महत्त्वपूर्ण भूमिका खेल्ने र कोलम्बसलाई अझ समावेशी र स्वागतयोग्य शहर बनाउन सघाउने विश्वास व्यक्त गरे।

उनले कोलम्बस सिटी काउन्सिलका अध्यक्ष श्यानन हार्डिन र काउन्सिल सदस्य लुर्डेस बारोसो डे पदिल्याको नेतृत्वको प्रशंसा गर्दै, यस महत्वपूर्ण कदममा सबैलाई सशक्त समर्थन दिन आह्वान गरे। उनले भने, “यो आयोगले हामीलाइ , चाहे जहाँ जन्मिए ता पनि समान अवसर , समावेशिक प्रतिनिधित्व प्रदान सकोस् ।

प्याकुरेलले थप स्पस्टका गर्दै “यो कदमले कोलम्बस शहरलाई आप्रवासी र शरणार्थी समुदायहरूको आवश्यकता, योगदान, र चासोलाई सम्मान गर्दै थप समावेशी शहर बनाउने दिशामा अगाडि बढाउनेछ।”