काठमाडौं। राजधानीमा जारी यू-१९ राष्ट्रिय क्रिकेट प्रतियोगितामा सुदूरपश्चिम प्रदेश अपराजित रहदै फाईनल पुगेको छ । समूह चरणको अन्तिम खेलमा सुदूरपश्चिमले बागमती प्रदेशलाई ७ विकेटले पराजित गरि अपराजित यात्रा कायमै राखेको छ ।
मुलपानी क्रिकेट मैदानमा खराब मौसमका कारण केहि ढिला सुरु भएको खेल ४५ ओभरमा छोट्टयाईएको थियो ।
बागमतीले जितका लागि दिएको १ सय २५ रनको लक्ष्य सुदुरपश्चिमल १९.१ ओभरमा पुरा गरेको हो ।
सुदूरपश्चिमको जितमा कप्तान अनुराग सिंहले ४४ बलमा ६ चौकाको सहयोगमा अविजित ३९ रन बनाए ।
मिलन बोहोराले ३३ तथा गजेन्द्र बोहोराले अविजित १९ रन बनाए । दिपक बोहोराले १७ रन तथा दीपक बोहोराले १० रन बनाए ।
बागमतीका लागि रोसन विकले २ तथा प्रतिक श्रेष्ठले १ विकेट लिए ।
त्यसअघि पहिले ब्याटिङ गरेको बागमती २८.४ ओभरमा अलआउट हुदै १ सय २४ रन बनाएको हो ।
बागमतीका लागि प्रतिक श्रेष्ठले ५० बलमा ४४ रनको ईनिङ खेले। रोशन विकले अविजित ३६ तथा सक्षम बस्ताकोटीले ३३ रन बनाए ।
बागमतीका ७ खेलाडी डग आउट भए ।
बागमतीलाई कम रनमा रोक्न आकाश चन्दले ह्याट्रिक सहित ४ विकेट लिएका थिए ।
यस संस्करणको प्रतियोगितामा नै पहिलो ह्याट्रिक लिएका चन्दले ५.४ ओभरमा १२ रन खर्चिएर ४ विकेट लिए ।
हेमन्त धामीले ३ तथा नरेन साउदले २ विकेट लिए । युवराज खत्रीको नाममा १ विकेट रह्यो ।
आजको खेलमा जित हात पारेको सुदूरपश्चिम अपराजित रहदै फाईनल पुगेको छ ।
