काठमाडौं – करिव २ महिनापछि सुरू भएको जर्मन बुन्डेस लिगा फुटबलमा बोरुसिया डर्टमण्डले फराकिलो जीत निकालेको छ।
कोरोना भाइरसको महामारीले गत मार्चदेखि अबरुद्ध प्रतियोगिता शनिबारदेखि दर्शकबिना नै खेलाइएको हो । खेलमा डर्टमण्डले शाल्केमाथि ४-० को फराकिलो जीत निकालेको हो ।
उसका लागि राफेल गुईरेरियोले दुई गोल गरे । यस्तै अर्लिङ हालाण्ड र थोर्गन हाजार्डले एक एक गोल गरे । जीतसँगै डर्टमण्डले शीर्ष स्थानको वायर्न म्युनिखसँगको अंक दुरी १ मा झारेको छ ।
डर्टमण्डले २६ खेलमा ५४ अंक जोडेको छ । एक खेल कम खेलेको वायर्नको ५५ अंक रहेको छ । शाल्के भने ३७ अंकका साथ आठौं स्थानमा रहेको छ ।
