अमेरिकामा पनि फाल्गुनन्द जयन्ती मनाइयो

नेपालमा केही स्थानीय तहमा सार्वजनिक विदा घोषणा

0
2088

नेपालमा केही स्थानीय तहमा सार्वजनिक विदा घोषणा

२६ कार्तिक २०७५
टेनिसी, अमेरिका/ नेपालका किरात समूदायका महागुरु फाल्गुनन्द लिङ्देनको १३४ औं जन्म जयन्ती अमेरिकाको टेनिसीमा पनि मनाइएको छ ।
महागुरुको जन्म जयन्तीको अवसर पारेर अमेरिकाको किरात कल्चरल सोसाइटी टेनिसी (केसीएसटी) ले टेनिसीमा बसोवास गर्ने ७० घर धुरीका करिव ५ सय किरातीहरु मिलेर कार्यक्रम गरेको सोसाइटीका अगुवा देव राईले बताउनु भएको छ । सोसाइटीका अध्यक्ष सह दुङ्मालीको अध्यक्षतामा भएको कार्यक्रममा ६ जना किरात धर्मका गुरुहरुबाट खाउन (भजन)सँगै मुन्धुम पाठ गरी जयन्ती मनाइएको सोसाइटीले जानकारी दिएको छ ।


कार्यक्रममा किरात समूदायमा जिवीत गुरुको रुपमा मानिनु भएका आत्मनन्द गुरुको हस्ताक्षर रहेको प्रमाण पत्र समेत वितरण गरिएको छ । प्रमाण पत्र झापाको बेलडाँगीमा १ मा रहेको किरात माङ्पोक्लुङ माङ्हिममा आर्थिक सहयोग गर्ने दाताहरुलाई प्रदान गरिएको छ । कार्यक्रमका प्रमुख अतिथि रहनु भएका किरातीका अगुवा सुकमान सुहाङ्गले महागुरु फाल्गुनन्दको जिवनी पाठ गर्दै उहाँले महागुरुले दिनु भएका महत्वपूर्ण जिवनोपयोगी सन्देश समेत सुनाउनु भएको छ ।

किराँत धर्मका महागुरु तथा समाज सुधारक फाल्गुनन्द लिङदेनको जन्म जयन्तीमा प्रत्येक बर्ष भूटानीहरुको बसोवास रहेको दमक नगर भित्र सार्वजनिक विदा दिने गरी ०७४ असोजमा सम्पन्न नगरपालिकाको पहिलो नगरसभाले उक्त निर्णयलाई पारित गरेको थियो ।

   
फाल्गुनन्द जयन्ती अघिल्लो बर्ष शनिबार परेकाले नगरपालिकाको सो निर्णय कार्यान्वयन भएको थिएन । लिङदेनलाई सरकारले ०६६ मंसिर १६ गते राष्ट्रिय विभूतिको रुपमा घोषणा गरेको थियो । यस बर्ष देखि महागुरुको सम्मानमा पूर्वी नेपालको ताप्लेजुङ्ग, पाँचथर, इलाम, झापाका केही स्थानीय तहमा सार्वजनिक विदा समेत घोषणा गरिएको छ ।

LEAVE A REPLY

Please enter your comment!
Please enter your name here