१३ साउन, काठमाण्डौ । प्रधानमन्त्री केपी शर्मा ओलीले सहकारीको बिकासले कृषिको आधुनिकीकरणमा सहयोग पुग्ने भएकाले यसको प्रबर्द्धनमा सरकारले कुनै कसर बाँकी नराख्ने बताएका छन् । राष्ट्रिय सहकारी महासंघका उपाध्यक्ष ओमदेवी मल्ल लगायत तीन जना सहकारी अभियान्तालाई नेपाल कम्युनिष्ट पार्टी प्रवेश गराउँदै ओलीले यस्तो बताउनुभएको हो । सरकारले भू-उपयोग सम्बन्धी नीति बनाएर कृषि उत्पादनको बृद्धि गर्ने जानकारी दिनुभयो । संविधानसभामा नेपाली कांग्रेसका तर्फबाट सभासद रहेकी मल्लले कांग्रेसमा प्रजातान्त्रिक अभ्यास सकिएकाले ने.क.पा मा प्रवेश गरेको बताएकी छन । मल्लका साथमा सहकारी अभियान्ताहरु विजयसुन्दर खड्का र रीता बराल पनि ने.क.पा प्रवेश गरेका छन् ।
