मध्य नाइजेरियाको नासारवा राज्यमा भएको बम विष्फोटमा २७ जनाको मृत्यु भएको छ । विष्फोटमा ज्यान गुमाएका २७ जनाको शव फेला परेका नासारवाका प्रहरी प्रवक्ता रमहान नान्सेलले जानकारी दिनुभएको हो।
घटनामा ज्यान गुमाएका सबै फिरन्ते पशुपालक भएको बताइएको छ । विष्फोटको कारण पत्ता लगाउन प्रहरीका साथै अन्य सुरक्षा निकायका अधिकारी परिचालन गरिएको छ ।
नासारवाका गभर्नरले विष्फोटलाई दुर्भाग्यपूणर् भन्दै दोषीलाई कारबाही गरिने प्रतिबद्धता व्यक्त गरेका छन्।
