काठमाडौं – हल्याण्डका वैज्ञानिकहरुको एक समूहले भने कोरोना भाइरसको पहिचान गर्ने र त्यसबाट बचाउन सक्ने औषधि (एन्टीडोट) पत्ता लगाएको दाबी गरेका छन् ।
वैज्ञानिकहरुको समूहले पत्ता लगाएको भनिएको औषधि मानव शरीरमा परीक्षण गर्न भने बाँकी नै छ। मानव शरीरमा यसको परिक्षण तत्कालै सुरु भए पनि परिणाम आउन महिनौं लाग्न सक्ने बताइएको इरास्मस मेडिकल सेन्टर र युट्रेक्ट विश्वविद्यालयका अन्वेषकहरुले जनाएका छन् ।
Unique discovery in @ErasmusMC: antibody found against #corona #coronavirus – Erasmus Magazine https://t.co/x1FCy8T7Ia pic.twitter.com/WXq9F2FFDq
— Erasmus Magazine (@ErasmusMag) March 14, 2020
उक्त संयुक्त टिमले लगातार गरेको अनुसन्धानबाट सार्स–२ को प्रतिरोधात्मक औषधि पत्ता लगाइएको दाबी गरेको हल्याण्डको इरासमुस म्यागजिनले जनाएको छ ।
उनीहरुले कोरोना भाइरस(कोभिड–१९) लाई सार्स–२ को उपमा दिँदै त्यसलाई कोरोना परिवारको भाइरसको रुपमा अर्थ्याएका छन् ।
