उद्यम बिकाश सहकारी दमकको आयोजनामा भएको रक्तदान कार्यक्रममा २३ पिन्ट रगन संकलन

असार २१/
९६ औं अन्तराष्ट्रिय सहकारी दिवसको अवसर पारेर आज दमकमा आयोजना गरिएको रक्तदानमा २३ पिन्ट रगत संकलन भएको छ ।
दमक ६ स्थित उद्यम बचत तथा ऋण सहकारी संस्थाले संस्थाकै प्राङगणमा गरेको खुल्ला रक्तदानमा ८ महिलासहित २३ जनाले रगतदान गरेका थिए । गर्मीका समयमा रगत अभाव हुन नदिन संस्थाले सचेतनामूलक रक्तदान गरिएको कार्यक्रम संयोजक गणेश प्रसाद गौतमले जानकारी दिनुभयो ।
संस्थाकी अध्यक्ष चन्द्रकुमारी खड्का (भट्टराई) को अध्यक्षता तथा नेपाल रेडक्रस सोसाईटी दमक उपशाखाका सभापति प्रकाश वुढाथोकीको प्रमुख आतिथ्यतामा भएको रक्तदान उद्घाटन कार्यक्रममा १०८ औं पटक रक्तदान गर्ने अग्रज दाता राजकुमार श्रेष्ठ, जिल्ला सहकारी संघकी उपाध्यक्ष गीता कुँवर, डाँफे सहकारीका अध्यक्ष तुलाराम न्यौपाने, दमक जेसीजका पूर्व अध्यक्ष आरवी थापा लगायतको उपस्थिति रहेको थियो । कार्यक्रममा संस्थाका उपाध्यक्ष रणबहादुर वराइलीले स्वागत मन्तव्य राखेका थिए । संस्थाले अन्तराष्ट्रिय सहकारी दिवसका अवसरमा बर्सेनी रक्तदान लागायतका सामाजिक गतिविधिहरु गरिआएको व्यवस्थापक उत्तम राईले जानकारी दिए ।