असार ५/
केहिदिन यता दमकमा चोरीको घटना बढेको छ । दमक चौंक, वजार क्षेत्रमा दिनदहाडै मोटरसाईकल चोरीको घटना वढेको हो ।
साता दिन यता दमकमा विभिन्न किसिमका ४ वटा मोटरसाईकल चोरी भएको प्रहरीमा उजुरी परेको इलाका प्रहरी कार्यालय दमकका प्रहरी निरीक्षक खगेन्द्र एक्तेनले वताउनु भयो । चोरी भएका मोटरसाईकलहरु मध्ये एउटा भने दमकको लाइफलाइन अस्पताल आसपासमा वेवारिसे अवस्थामा फेला परेको उहाँले जानकारी दिनुभयो । दमक चौंक, वजार सवै क्षेत्रमा सिसी क्यामेरा समेत नभएकाले अपराध अनुसन्धानमा समस्या भएको प्रहरी निरिक्षक एक्ेतनले बताउनु भयो ।
चोरीमा एउटा गिरोह सक्रिय भएको र उनीहरुको खोजतलास तीव्र वनाईएको उहाँले बताउनु भएको छ । दमकसहित आसपासका प्रहरी कार्यालयको समेत समन्वयमा खोजसतलास गर्न प्रहरी परिचालित भईरहेको उहाँले बताउनु भयो ।
प्रहरी निरिक्षक एक्तेनका अनुसार चोरीको घटना हेर्दा मोटरसाईकलको हेण्डल लक नगरी पार्किङमा छाडेर अन्यत्र जादाँ चोरी भएको पाईएको छ । चोरी हुन नदिन सकेसम्म मोटरसाईकलको हेण्डल लक गर्नु पर्ने उहाँको भनाई छ ।
