बेलडाँगी १ को सेक्टर सी लाई सुरुमा सारिने
चैत्र ५, २०७४/डिकेश लामा
दमक/झापाको भूटानी शरणार्थी शिविर वेलडाँगीमा असक्त शरणार्थीहरुका लागि सुधारिएको छाप्रा आज देखि निर्माण कार्य शुरु गरिएको छ ।
यस अघि असक्तलाई निर्माण गरे जस्तै ८ ओटा सिमेन्टको पोल, टिनको छाना, ढेड फिट इटाको उठाएर बाँसको बेराले छाप्रा निर्माण हुने निर्माण कार्यमा लगानी गर्दै आएको संस्था यूएनएचसीआरले जानकारी दिएको छ ।
आज भूटानी शरणार्थी शिविर वेलडाँगी ३ को उत्तरी क्षेत्रमा शुरु गरिएको हो । निर्माण गरिएको क्षेत्रमा बेलडाँगी १ सेक्टर सीका भूटानी शरणार्थीहरुलाई पहिलो चरणमा सारिने बताइएको छ । पहिलो पटक एक साता भित्र ५ वटा छाप्रा निर्माण गरिने बताइएको छ । आज बेलडाँगी ३ को सेक्टर ए क्षेत्रमा छापा निर्माण भिटा मापन र खन्ने कार्य शुरु भएको शिविर व्यवस्थापन समितिका सचीव टिकाराम रसाइलीले बतउनु भयो ।
यता यस विषयमा हंसे दुम्से सामुदायिक बनले भने बन क्षेत्र भित्र सिमेन्ट प्रयोग गरेर कुनै पनि प्रकारका छाप्रा निर्माण गर्न नमिल्ने बताउँदै आएको छ । तर यस अघि अहिले निर्माण हुने भनेको प्रकृतिका घरहरु बनि सकेको शिविर व्यवस्थापन समितिले जानकारी दिएको छ ।
