@अर्जुन प्रधान
अब कविता पनि टेलिभिजनको मञ्चमा देखिने भएको छ। झापाबाट “मेरो कविता : द रिदम अफ पोयट्री” नामको कविता आधारित रियालिटी शो सुरु हुन लागेको हो। यो कार्यक्रम माघ ४ गतेदेखि प्रसारणमा आउने तयारीमा छ।
कार्यक्रमको निर्देशन केवल क्षेत्रीले गरेका छन्। यो शो GBLO (विश्व भूटानी साहित्यिक संगठन) र बेल्डाँगी नाट्य परिवारको सहकार्यमा निर्माण हुन गइरहेको हो।
कार्यक्रममा नेपालभित्र र विदेशमा रहेका कविहरूले आफ्ना कविता वाचन गर्नेछन्। डिजिटल अडिसनमार्फत छानिएका करिब २५ जना सहभागी हरेक हप्ता प्रस्तुतिमा देखिनेछन्। दर्शकले मन परेको कविलाई भोट गरेर समर्थन गर्न सक्ने व्यवस्था पनि राखिएको छ।
विश्व भूटानी साहित्यिक संगठन (GBLO) का अध्यक्ष ले यस कार्यक्रममार्फत कविता क्षेत्रमा रहेका नयाँ प्रतिभाले राम्रो मौका पाउने जानकारी दिएका छन्। उनका अनुसार, कविता लेख्ने र वाचन गर्ने सर्जकहरूलाई एकै मञ्चमा जोड्नुका साथै बेल्डाँगी र बेल्डाँगीको कला तथा संस्कृतिलाई चिनाउनु पनि कार्यक्रमको मुख्य उद्देश्य हो।
कार्यक्रमको छायांकन झापा क्षेत्रमै हुँदैछ। गीत, संगीत र नृत्यजस्तै अब कविता पनि मनोरञ्जनसँगै दर्शकमाझ पुग्ने विश्वास आयोजकले लिएका छन्।
साधारण रूपमा भन्नुपर्दा, अब दर्शकले कविता सुन्ने, महसुस गर्ने र मन परेको कविलाई भोट गर्ने मौका पाउनेमा अध्यक्ष पातलो अन्तरे र सहयोगी सस्था खुशि देखिन्छ ।
