२२ माघ, काठमाण्डौ । ओलिम्पिक खेलमा आफ्ना प्रतिनिधी सहभागी गराउने कि नगराउने भन्ने बिषय टुंग्याउन उत्तर कोरियाले आफ्ना उच्च तहका अधिकारीलाई दक्षिण कोरिया पठाउने भएको छ।
उत्तर कोरियाका आलङ्कारिक राष्ट्रप्रमुख किम यङ-नामले २२ सदस्यीय प्रतिनिधिमण्डलको नेतृत्व गर्दै शुक्रबारदेखि दक्षिण कोरियाको भ्रमण गर्न लागेको बीबीसीले उल्लेख गरेको छ । खेलकुदमा उत्तर कोरियाली सहभागितालाई धेरैले प्योङयाङ्को कूटनीतिक धुर्त्याइँको रूपमा हेरेका छन्। यही ९ देखि २५ तारिखसम्म दक्षिण कोरियामा हुन लागेको ओलम्पिक खेलमा उत्तर कोरियाको सहभागिता सुनिश्चित भए दुई कोरियाली खेलाडीहरुले एउटै झण्डामुनि मार्च पास समेत गर्ने बीबीसीले जनाएको छ ।
